Trilogjia Albanika, Vargu folklorik, ndërtimi dhe gjinitë, vol. 1, Arshi Pipa

Titulli: Trilogjia Albanika, Vargu folklorik, ndërtimi dhe gjinitë, vëllimi i parë (kopertinë e trashë)
Origjinali: Trilogia Albanica l, Albanian folk verse, structure and genre
Gjinia: Studime albanologjike, kritika
Autori: Arshi Pipa
Shqipëroi: Primo Shllaku
Shtëpia botuese: Princi
Viti: 2013
Fq. 184
Pesha: 0.504 kg
ISBN: 978-9928-4090-6-5

Koment nga autori

Kjo sprovë ia detyron qenien e vet një shmangieje nga puna ime mbi De Radën. Ndërsa po rropatesha me metrikën e Milosaos, krejt papritur u ndjeva se kisha ngecur. Kushdo mund ta shohë se metri i Milosaos përgjithësisht është i njëjti me tetërrokëshin trokaik që haset në pjesën më të madhe të poezisë gojore shqipe, si në toskërisht, ashtu edhe në gegnisht.

Madje, rravgimet prej normës janë të atilla saqë çdo përpjekje për t'i përgjithësuar ka rezultuar e pakënaqshme. Për ta zgjidhur këtë problem, fillimisht do të më duhet ta shqyrtoja metrikën shqipe në tërësinë e saj, pastaj të përpiqesha për ta përcaktuar metrikën e Milosaos, e cila bazohet në atë të këngëve suaze të përgjithshme.

Por shumë shpejt, arrita të kuptoj se metrika shqipe është shumë më e ndërlikuar sesa kujtoja. Dhe kështu, ajo që fillimisht qe nisur si artikull, u rrit e u rrit derisa mori përmasat e kësaj monografie.

Por kjo monografi nuk do të mund të shkruhej pa një tjetër faktor ndihmëtar, interesin tim të rrënjosur për folklorin shqiptar. I lindur në Shkodër, kisha qenë me shumë fat që pata gjyshe nga ana e nënës një grua, dijet e së cilës ishin vetëm gojëdhënat e folku.