Kategoritë

Botuesit

Autorët

Te ftuar ne Rrethin e Dhjete, Flutura Acka Shihe të plotë

Te ftuar ne Rrethin e Dhjete, Flutura Acka

Firence, qershor 2016. Tre miq të vjetër qysh nga fëmijëria, të cilët e kanë lënë Shqipërinë në rrethana dhe në kohë të ndryshme pas kapërcyellit të 1990 – ës, vendosin të festojnë së bashku 50 – vjetorin e lindjes.

Info shtesë

Disponueshëria: Në gjendje

$16.90

Titulli: Të ftuar në Rrethin e Dhjetë
Gjinia: Roman
Autori: Flutura Açka
Shtëpia botuese: Skanderbeg Books
Viti: 2017
Fq. 464
Pesha: 0.541 kg.
ISBN: 978-9928-221-19-3

Mbi librin

Firence, qershor 2016. Tre miq të vjetër qysh nga fëmijëria, të cilët e kanë lënë Shqipërinë në rrethana dhe në kohë të ndryshme pas kapërcyellit të 1990 – ës, vendosin të festojnë së bashku 50 – vjetorin e lindjes.

Por në jetëshkrimin e tyre prej shqiptarësh nën diktaturë, rrugëtimet e vejevijës së shpeshtë në vitet e lirisë mes dy atdheve të tyre dhe shenjat e përpjekjes për ta mbrojtur thelbin e tyre mes identitetit etnik të lindur dhe atij europian të fituar.

A janë ata të përgatitur ta fshijnë të shkuarën shqiptare, e cila befas ende ua dikton dhe ua helmon ndonjëherë jetën? A do të munden ata të mbeten miq edhe pas shqyrtimit që ky takim i pafajshëm do t'u kërkojë shqyrtim që shpesh nuk lidhet me ata vetë, por që kryqëzohet dhe ndikon në jetët e tyre?

Kjo rrëfenjë që shtrihet në gjysmëshekullin e fundit shqiptar dhe që merret me shtegtimit e viteve të fundit të mijëra shqiptarëve nëpër botë, është një sagë mirëfilli shqiptare e luajtur në Europën e sotme.

Ky rrëfim është një kushtim për dashurinë njerëzore, për dashurinë si sublimimin që nuk e zhbën koha dhe një triumf për atdhedashurinë, të tretura në gjakun shqiptar nga substanca më e bekuar e kësaj bote: Liria.

Komente mbi autoren

"Flutura Açka është një nga zërat shqiptarë sqimatarë."

Dacia Maraini, Itali

"Flutura Açka është si Marguerite Durasi – mbiemocionale."

Amelija Liçeva, Bullgari

"Açka është një transkriptuese e fortë e emocioneve."

Ennio Grassi, Itali

"Stili i Açkës, me përftyrime dhe skena të gjalla, ka ndonjëherë elementë të sagave të vjetra."

Arjan Peters, Holandë