Elita shqiptare, Mid'hat Frasheri, vol. 1

Titulli: Elita shqiptare, Mid'hat Frashëri, vëllimi i parë
Origjinali: Elita shqiptare, Mid'hat Frashëri, vëllimi i parë
Gjinia: Shkenca politike
Përgatiti: Uran Butka
Shtëpia botuese: Plejad
Viti: 2008
Fq. 580
Pesha: 0.71 kg
ISBN: 978-99956-658-1-6

Fragmente nga libri

Kemi nevojë që të zgjojmë te nxënësit një ambicion kombtar, një lithkë solidariteti për çdo send që i takon kombit, racës, vendit të Shqipërisë. Këtë ndjenjë mund ta ngjallim duke e bindur nxënësin se vetëm duke u nderuar kombi, duke u lëvduar Shqipërija, duke qenë me famë dhe me zë të mirë çdo send që i përket Arbërisë, vetëm atëherë edhe çdo shqiptar, mund që të jetë i lëvduar dhe i nderuar si person; me një fjalë duhet që të marrë edhe vetë pjesën e këtij nderimi...

Shqiptarin e kanë kallëzuar si pakë tepër individualist: mbase kjo është një e metë e rrjedhur prej çukavet dhe maleve të Shqipërisë, si kotësija që zu ngoje më sipër. Individualizma e bën njerinë egoist, të ashpër, të pashkuar me shokun. Ky karakter na shpjegon pse shtëpitë tek ne janë lark njëra – tjatrës, në një mërgim plot çbesim, pa ate afërim dhe të grumbulluar që shquan katundet dhe qytetet në ata vise më të qytetëruar nga ne. Thonë se frika e egrësiravet, e kafshëvet të egra, e ka bërë njerinë të afrohet te njëri – tjatri dhe të formojë banime të mbledhur tok. Mjerisht, në Shqipëri ajo që malsori duket se trembet më tepër, është jo bisha, po vetë njeriu.

Për të zmbrapsur këtë të metë, duhet që të mësojmë njerëzinë në pjekje, të vijnë në takime me shoku – shokun. Këshillat e mësuesit do të jetën fort të dobishmë; po ka edhe një mjet veprimi tjatër: sportet, futbolli, bojskautizmi, lodrat me top, lodrat popullore, ekskursionet më këmbë, rendjet, mundjet etj. Këto lodra, këto ushtrime i japin njeriut jo vetëm shëndet dhe pregatitin një racë të shëndoshë, po e bëjnë edhe që të fitojë cilësi morale dhe shoqërore...

Koment nga Uran Butka

Mid'hat Frashëri ishte një parashikues gjenial. Ai ishte i bindur që çështja shqiptare e shtruar për zgjidhje për më se një shekull, do ta gjente më në fund atë, sepse nuk ishte vetëm një çështje e brendshme e Shqipërisë, por një problem kyç i Europës Juglindore dhe më gjerë. "Zhvillimi i ngjarjeve në Ballkan vërteton mirë se ngjarjet në Shqipëri nuk janë aspak të brendshme, por janë pjesë e një të tëre me rëndësi botërore, që do të ketë efekte të mëdha ndërkombëtare në kohën e ardhme", thoshte ai. "Për mua ka vetëm një mënyrë që të normalizohet gjendja në Shqipëri: mbajtja e lidhjeve me lëvizjen demokratike".

Kjo profeci e thënë më se 100 vjet më parë, u vërtetua në vitin 1992 me zhvillimet demokratike në Shqipëri dhe në vitin 1999 me ngjarjet në Kosovë, të cilat hapën një epokë të re jo vetëm për zgjidhjen e çështjes shqiptare, por edhe për zhvillimet botërore, sepse ndërhyrja e NATO – s në Kosovë nuk u bë për motive pushtimi apo çlirimi, por për mbrojtjen e vlerave humane e demokratike.