Ushtrimet e melankolisë, Preç Zogaj

Titulli: Ushtrimet e melankolisë
Origjinali: Ushtrimet e melankolisë
Gjinia: Poezi
Autori: Preç Zogaj
Shtëpia botuese: UET Press
Viti: 2016
Fq. 148
Pesha: 0.183 kg.
ISBN: 978-9928-213-00-6

Fragment nga libri

Me një porosi të harruar

Unë të dua.
Medaljet – monedha prej një dielli tjetër
Shndrisin parzmoren time të vjetër.

Më vjen turp të shfaqem në dritë
Përpara teje si një Apollon,
Nuk jam i tillë të imitoj hyjnitë.
Por më është dhënë privilegji të zgjedh
Formën e dënimit tim
Si shkelës i penduar Olimpi.

Zgjedh të jem pemë, manjolë,
Plot me gjethe dhe sy të gjelbër,
Ku ti vjen dhe prej me dorën në faqe
Vegimin e shakasë më të madhe –
Magjistarin tënd fjalëmbël.

Mbi autorin

Preç Zogaj u lind më 5 dhjetor 1957, është një nga poetët më të spikatur të gjeneratës së viteve tetëdhjetë të shekullit të kaluar dhe nga më të njohurit e poezisë bashkëkohore shqipe. "Ushtrimet e melankolisë" është vëllimi i tij i njëmbëdhjetë poetik.

Poezi të zgjedhura të Zogajt janë botuar në frëngjisht në vëllimin "Terre sans continent" (Tokë pa kontinent), nga shtëpia botuese "L'esprit des peninsules" (Shpirti i gadishullit) në vitin 1995 dhe në anglisht në vëllimin "Occurrences on earth" (Ngjarje në tokë) nga shtëpia botuese "Mundus Artium Press" e Universitetit të Dallasit, SHBA. Krijimtaria e tij poetike është vlerësuar me çmime kombëtare e ndërkombëtare.