Kategoritë

Prodhuesit

Furnizuesit

Harry Potter dhe dhoma e te fshehtave, J.K. Rowling Shihe të plotë

Harry Potter dhe dhoma e te fshehtave, J.K. Rowling

Që kur Harri kthehet në shtëpi për pushimet verore, Dërslit sillen keq dhe diçka i fshehin. Harri mezi pret të kthehet në shkollën e tij të dashur, në Hoguarts. Por tamam kur po bën gati valixhet, merr paralajmërimin: në Hoguarts i kërcënohet një fatkeqësi! Dhe fatkeqësia ndodh.

Info shtesë

SKU000831

Disponueshëria: Në gjendje

$6.31

Me ulje çmimi!

-36%

$9.86

Klientët që blenë këtë libër, blenë edhe...

  • Seria Njemije e nje net, Perralla arabe (3 libra)

    Seria...


    Përrallat e mrekullueshme arabe, të përkthyera...

  • Busulla e Arte 1, Philip Pullman

    Busulla e...


    Lira Belakua i gëzohet jetës duke bredhur e...

  • Thika e Mprehte 2, Philip Pullman

    Thika e...


    Lira e vogël guximtare kalon një portë...

Titulli: Harry Potter dhe Dhoma e të Fshehtave, vëllimi i dytë
Origjinali: Harry Potter and the Chamber of Secrets
Gjinia: Roman
Autori: J. K. Rowling
Shqipëroi: Amik Kasoruho
Shtëpia botuese: Dituria
Viti: 2002
Fq. 276
Pesha: 0.351 kg
ISBN: 978-99927-47-83-8

Mbi librin

Që kur Harri kthehet në shtëpi për pushimet verore, Dërslit sillen keq dhe diçka i fshehin. Harri mezi pret të kthehet në shkollën e tij të dashur në Hoguorts. Por tamam kur ai po bën gati valixhet, merr paralajmërimin: në Hoguorts i kërcënohet një fatkeqësi. Dhe fatkeqësia ndodh. Dikush i shndërron nxënësit e Hoguortsit në gur. Mbase është Drako Mallfoi, rivali më i rrezikshëm? Mbase është Hagridi, e kaluara e fshehtë e të cilit tashmë del në dritë? Apo mos është dikush për të cilin ka më shumë dyshime... Harri Poter vetë?!

Harri Poterin tashmë e njohin të gjithë: gjatë vitit të parë në Shkollën e Magjisë dhe Shtrigërisë, në Hoguorts, vuri përposh Fluronvdekjen, duke u hakmarrë edhe për vdekjen e prindërve të vet. Kjo e mbuloi atë me lavdi. Por një rrezik i frikshëm varet mbi shkollën: një që godet shokët e Harrit njëri pas tjetrit dhe që duket e lidhur me një mister të lashtë, të kyçur në terrin e Dhomës së të Fshehtave.

Libri është nderuar me disa çmime si:
• The #1 New York Times Bestseller
• Zgjedhja e Botuesit 1999, Booklist
• Fitues i Çmimit Kombëtar të Librit 1999 (Britani e Madhe)
• Libër i Shquar ALA (Shoqata e Bibliotekarëve Amerikanë)
• Libri më i Mirë për të Rinj ALA 1999
• Fitues i Çmimit Gold Medal Smarties 1999
• Libri më i Mirë i Vitit, School Library Journal 1999

Fragment nga libri

-Ku i dihet! – thirri Roni duke parë librin me dyshim. – Midis librave të konfiskuara nga Ministria... më ka thënë babai... ishte edhe një që të digjte sytë. Dhe ata që lexonin Tingëllimet e një shtrigani, më vonë, për tërë jetën, flitnin me vargje. Një magjistricë plakë që jetonte në Bath kishte një libër të cilin njeriu s'e mbaronte dot së lexuari! Ishte i detyruar të shkonte gjithandej me fytyrë të rrasur në të, duke u përpjekur t'i bënte të gjitha punët vetëm me një dorë. Dhe...

Komente mbi librin

"Harry Potter dhe Dhoma e të Fshehtave është një rrëfim i mrekullueshëm që të lë pa frymë, plot sharm dhe madje më i bukur sesa libri i mëparshëm."

The Los Angeles Times

"Admiruesit e Harrit që e kanë pritur me padurim kthimin e Harri Poterit do të mbeten sërish gojëhapur. Rowling duhet të jetë diplomuar edhe vetë në Hoguorts, duke gjykuar nga aftësia e saj për të krijuar një rrëfenjë kaq përpirëse, plot fantazi, me humor dhe mbi të gjitha që të mban pezull deri në ankth, pa i lënë asgjë magjisë."

Publisher's Weekly

"Harri Poteri është një nga ato rastet e rralla, fatlume në historinë e letërsisë botërore, kur emri i protagonistit është po aq i famshëm sa edhe emri i krijuesit të tij, për të mos thënë që ngandonjëherë e konkurron atë, madje, mund të themi se shkon e bëhet më i njohur... Harri Poteri ka fituar dyluftimin e parë me Fluronvdekjen, të një beteje që vazhdon në të ardhmen. Në këtë pikë, lexuesit nuk i mbetet veç të presë e të urojë që botuesi të sjellë sa më parë në shqip, librin e dytë, të tretë e kështu me radhë të Harri Poterit."

Revista Klan