Kategoritë

Prodhuesit

Furnizuesit

Kuzhine mesdhetare, Katerina Gremo Shihe të plotë

Kuzhine mesdhetare, Katerina Gremo

Dieta mesdhetare është mënyra e të ushqyerit e popujve të Mesdheut. Ajo bazohet në përgatitjen e gatimeve të shijshme mesdhetare, duke përdorur lëndët e para që prodhohen në këto vende. Emërtimi dietë mesdhetare është bëtë sinonim i jetëgjatësisë dhe mbrojtjes së organizmit nga sëmundjet e zemrës, diabetit etj.

Info shtesë

2168

Disponueshëria: Ne gjendje

$25.35

Titulli: Kuzhinë mesdhetare, aromë dhe shije (kopertinë e trashë)
Origjinali: Kuzhinë mesdhetare, aromë dhe shije
Gjinia: Kuzhinë
Autori: Katerina Gremo
Shtëpia botuese: Toena
Viti: 2012
Fq. 256
Pesha: 1.111 kg
ISBN: 978-99943-1-799-8

Mbi librin

Dieta mesdhetare është mënyra e të ushqyerit e popujve të Mesdheut. Ajo bazohet në përgatitjen e gatimeve të shijshme mesdhetare, duke përdorur lëndët e para që prodhohen në këto vende. Emërtimi dietë mesdhetare është bëtë sinonim i jetëgjatësisë dhe mbrojtjes së organizmit nga sëmundjet e zemrës, diabetit etj.

Gjatë 50 vjetëve të fundit, në arenën shkencore botërore vihet re një mendim unanim i shkencëtarëve për sa i përket faktit që dieta mesdhetare është një nga modelet më të ekuilibruara të të ushqyerit.

Për të arritur në këtë rezultat u deshën qindra studime, në përfundim të të cilave u vu re se kur njerëzit përdorin një regjim të tillë ushqimor, shfaqin një ulje të ndjeshme të vdekshmërisë në popullatë, si pasojë e kancerit apo sëmundjeve të zemrës në krahasim me dietën e mjaft vendeve të tjera.

Një pjesë e pandashme e dietës mesdhetare janë edhe erëzat e beharnat. Natyra mesdhetare na ka dhuruar një larmi të çmuar bimësh aromatike për përdorim kulinar. Mendoni për një moment se sa e varfër do të na dukej gjella pa aromën dhe shijen që i japin erëzat dhe beharnat.

Përdorimi i tyre jo vetëm përforcon shijen e gatimeve, por duke i kombinuar në mënyra të ndryshme na jep mundësinë të krijojmë një shumëllojshmëri gatimesh.

Mbi autoren

Katerina Gremo ka lindur më 8 tetor 1964 në Livadhja të rrethit të Sarandës. Shkollën fillore dhe atë të mesme i ka kryer në Livadhja. Në vitin 1958 përfundoi Shkollën e Ushqimit Social në Tiranë. Vazhdoi studimet në Athinë, ku mbaroi shkollën dyvjeçare për shef kuzhine "Chef D'Oeuvere" në maj të vitit 1995.

Zotëron diplomën "Higher Diploma in Food and Beverage Management" (Diploma e lartë e Menaxherit të Ushqimit dhe Pijeve), titull i cili iu dha nga shkolla greke e Menaxhimit të Hoteleve dhe Ushqimit Social në vitin 1994. Ka punuar në kuzhina dhe poste të ndryshme. Në vitin 2004 është aktivizuar si shefe kuzhine në postin e Ushqimeve të Ftohta gjatë Lojërave Olimpike dhe Paraolimpike të Athinës.

Që prej vitit 2004 e deri në dhjetor 2008 ka punuar si "chef" në Repartin e Ushqimeve dhe Pijeve të Kompanisë "Olympic Catering" dhe njëkohësisht ka qenë kryeredaktore e revistës "Arti i kuzhinës" (2005 – 2007). Gjatë gjithë kësaj kohe, znj. Gremo ka ndjekur mjaft seminare, prej të cilëve ka fituar tituj diplomash në Akademi të ndryshme Kulinare si: "Le Cordon Bleu", "Academie d'art culinaire de Paris" etj.

Është, gjithashtu, autore e librave: "Lloje të ndryshme bukësh", "Receta vere", "100 receta makaronash të shijshme". Gjithashtu, është anëtare e WACS (World Association of Cooks Society – Shoqata Ndërkombëtare e Shefave të Kuzhinës). Ka fituar mjaft medalje dhe tituj nderi në konkurse të ndryshme kombëtare e ndërkombëtare të shefave të kuzhinës si anëtare e "Grupit Kombëtar Kulinar Grek".

Në vitin 2007 zuri vendin e parë në Konkursin e Pestë Kombëtar Grek të Shefave të Kuzhinës duke fituar medaljen e artë. Bordi drejtues i "Shoqatës Greke të Shefave të Kuzhinës" në vitin 2007 e nderoi atë duke i dhënë postin prestigjioz "Shefe - anëtare e Gupit Kombëtar Kulinar Grek", i cili merr pjesë në të gjitha festivalet gastronomike kombëtare dhe ndërkombëtare, si dhe në të gjitha konkurset gastronomike kudo në botë.

Sot, Katerina Gremo është kryetare e Federatës Shqiptare të Gastronomisë, si dhe drejtuese e rubrikës së kuzhinës pranë Televizionit Publik Shqiptar, rubrikë të cilën e drejton që nga viti 2008.