Titulli: Gruaja leopard (kopertinë e trashë)
Origjinali: La donna leopardo
Gjinia: Roman
Autori: Alberto Moravia
Shqipëroi: Edvin Cami
Shtëpia botuese: Koha Ditore
Viti: 2005
Fq. 128
Pesha: 0.216 kg
ISBN: 84-9789-683-1
Mbi librin
Një vepër tipike moraviane, "Gruaja leopard" është rrëfim pa rrugëdalje mbi një tradhti dashurie, për vuajtjen dhe paaftësinë e dhimbshme të të kuptuarit dhe shënon një nga pikat më të larta të mendimit ekzistencial të Moravias: jeta nuk njihet dhe ne nuk e njohim. "Gruaja leopard" është romani i fundit i Alberto Moravias, i botuar pas vdekjes së autorit, më 1993.
Fragment nga libri
Sapo ra errësira, në kolltukun që i shërbente si shtrat, Lorencoja zuri të mendonte për Norën. Ai deshi t'i rindërtonte në mendje fillimet e marrëdhënies së tyre, ndoshta sepse marrëdhënia nuk shkonte mirë dhe ai donte të kujtonte me saktësi se kur kishin filluar të shkonin punët keq.
Me fjalë të tjera, donte të bënte si udhëtarët në shkretëtirë, kur humbasin rrugën. Të kthehej mbrapsht, në pikën e nisjes, dhe të shihte se çfarë e kishte shkaktuar gabimin më të vogël të vëzhgimit që, më vonë, e kishte bërë të humbiste krejtësisht rrugën.
Mbi autorin
Alberto Moravia u përket autorëve klasikë të shekullit të XX – të. I lindur më 1907, ai rrjedh nga një familje e pasur hebraike të Romës. Pas një fëmijërie të rëndë, për shkak të sëmundjeve të ndryshme, Moravia në vitin 1929 botoi romanin e parë "Indiferentët", ku shquhet si romancieri i realizmit moderne psikologjik.
Temë e romaneve të tij janë sidomos raportet ndërmjet gjinive dhe ndriçimi i tyre nga aspekti psikoanalitik. Pas një satire therëse kundër diktatorit Benito Musolini, Alberto Moravias iu ndalua çdo publikim letrar, por ai vazhdoi të botojë me pseudonim.
Pas luftës vazhdoi me shumë sukses aktivitetin letrar. Moravia, i cili edhe përtej kufijve të Italisë çmohej si instancë letrare, provokator dhe autor skandalesh, vdiq më 27 shtator 1990. Veprat e tij, romane, ese, udhëpërshkrime, janë përkthyer në më se 30 gjuhë.