Orët e para, Marmaduk Piktholl

Titulli: Orët e para
Origjinali: The early hours
Gjinia: Roman
Autori: Marmaduk Piktholl
Shqipëroi: Edvin Cami
Shtëpia botuese: Qendra Studimore Fetare Erasmus
Viti: 2015
Fq. 308
Pesha: 0.327 kg.
ISBN: 978-9928-4085-7-0

Mbi librin

Ky roman dashurie dhe gjakderdhjeje, ngjarjet e të cilit zhvillohen në ditët dramatike të fundit të Perandorisë Osmane, përshkruan botën e zënë si në kurth mes Islamit dhe epokës moderne. Kamrudini është një ushtar i thjeshtë nga Maqedonia, i gjendur pa dashje mes konspiracionit të turqve të rinj për të rrëzuar Sulltanin.

Një romancë me një vajzë nga haremi i një pashai e vë atë para një zgjedhjeje të dëshpëruar: t'i bashkohet Xhihadit në malet e Ballkanit apo të gëzojë dashurinë e vet dhe mbrojtjen e zyrtarit të lartë perandorak.

Rënia e Turqisë së vjetër, mes shkëndijave të lindjes së një kombi të ri, është përshkruar në mënyrë të shkëlqyer, ashtu sikurse edhe humori dhe natyra e hareshme e fisnikëve të institucioneve osmane që po bien nën goditjet e rënda të pushtimit dhe të rebelimit të brendshëm.

Mbi autorin

Marmaduk Piktholl (1875 – 1936) ka qenë një romancier i mirënjohur i epokës eduardiane. Ai u konvertua në Islam dhe jetoi për shumë vite në Turqi e në Egjipt, përpara se të zhvendosej në Indi, ku u kthye në një mbështetës të fuqishëm të pavarësisë dhe mik të afërt të Mahatma Gandit.

Në Indi punoi si redaktor i gazetës "Bombay Chronicle" dhe shërbeu si imam, si dhe realizoi një ndër përkthimet më të mirënjohura të Kuranit në anglisht.