Le të ulërijmë, Jose Saramago

Titulli: Le të ulërijmë
Origjinali: Ensaio sobre a Lucidez
Gjinia: Roman
Autori: José Saramago
Shqipëroi: Nasi Lera
Shtëpia botuese: Dudaj
Viti: 2012
Fq: 320
Pesha: 0.331 kg
ISBN: 978-99943-0-304-5

Mbi librin

Një rrëfim ku kthehen sërish heronjtë e paharruar të romanit "Verbëria". Panik zgjedhor: në çastin e hapjes së kutive të votimit vërehet se tetëdhjetë e tre për qind e zgjedhësve kanë hedhur fletë të bardha. Në kryeqytet zotëron kaosi, qeveria bërtet me të madhe se po kurdiset një përbetim dhe shpall gjendjen e jashtëzakonshme, pushteti lëshohet me tërbim në gjuetinë e shtrigave dhe shtypi egërsohet kundër fajtorëve të caktuar.

I vetëm mes panikut, një komisar policie përballon të vërtetën tronditëse... Një roman mbi anët e errëta të pushtetit dhe një analizë e pamëshirshme e shoqërisë bashkëkohore. Por edhe një histori e dëshpëruar e jetës.

Koment nga Le Monde

"Ky roman është një perlë e zgjuarsisë dhe humorit, të cilin do t'ua këshillonim të gjithëve për ta lexuar. Duke filluar nga politikanët e të gjithë krahëve."

Mbi autorin

José Saramago (lindur më 1922 në Azinhaga, Portugali, vdekur në Tias, ishujt Kanari, në vitin 2010) është një nga romancierët më të mëdhenj të shekullit XX dhe të dhjetëvjeçarit të parë të shekullit XXI. Fitues i çmimit Nobel për letërsinë në vitin 1998, ai është një nga shkrimtarët më të botuar në mbarë botën.