Kategoritë

Prodhuesit

Furnizuesit

Viti 2012 Apokalips, Teresa Moorey Shihe të plotë

Viti 2012 Apokalips, Teresa Moorey

Ajo që ka lidhje me titullin e këtij libri, shpjegohet tek profecitë dhe kalendari i fiseve Maya, të cilët janë një popull i vjetër në Amerikën Qendrore dhe me dije të habitshme astronomike për nivelin tonë të njohurive shkencore; ky kalendar mbaron në mënyrë të pashpjegueshme në vitin 2012 dhe pikërisht më 22 dhjetor.

Info shtesë

SKU001625

Disponueshëria: Ne gjendje

$15.49

Titulli: Viti 2012 Apokalips?
Origjinali: The Millenium and Beyond
Gjinia: Konspiracion
Autori: Teresa Moorey
Shqipëroi: Alfred Cako
Shtëpia botuese: Helga's Secrets
Viti: 2010
Fq. 300
Pesha: 0.32 kg
ISBN: 978-99956-816-4-7

Mbi librin

Ajo që ka lidhje me titullin e këtij libri, shpjegohet tek profecitë dhe kalendari i fiseve Maya, të cilët janë një popull i vjetër në Amerikën Qendrore dhe me dije të habitshme astronomike për nivelin tonë të njohurive shkencore; ky kalendar mbaron në mënyrë të pashpjegueshme në vitin 2012 dhe pikërisht më 22 dhjetor.

Ekziston një frikë te njerëzimi për këtë datë, madje ka pasur edhe një film të famshëm dhe ndjellakeq njëkohësisht, për fatet e gjallesave të planetit tonë. Autorja shpjegon se çfarë mund të ndodhë realisht në fund të vitit 2012. Ajo paraqet dy tablo të mundshme të fatit të Tokës që do të sjellë viti 2012-të, tablo që lexuesi shpresojmë do t'i ndjekë me interes nëpër faqet e këtij libri kaq interesant.

Në këtë kuadër është shpjeguar edhe profecia e njerëzimit prej një kulture primitive që vjen nga popullsia e fisit indiano-amerikan, hopi. Në këtë libër tërheqës janë përmendur edhe profeci të ndryshme nga Bibla, i shenjti Malashi (prift irlandez që ka vdekur në duart e Shën Bernardit), Nostradamusi, profetim i fjetur Edgar Keisi (E. Cayce) etj.

Shpresojmë që lexuesi do të befasohet nga shpjegimi i fenomeneve të tilla si përbërja e shpirtit, gjatësia e valës së tij, ndërtimi i 3 fushave elektromagnetike tek njeriu, të cilat përbëjnë merkaba-n, po kështu ajo shpjegon energjinë cungalin, energji e cila është grumbulluar tek shtylla kurrizore e njeriut. Autorja shpjegon edhe shtatë pikat e marrjes së energjisë shpirtërore nga trupi i njeriut të cilat quhen chakra dhe janë në fakt pikat e marrjes së energjisë së shpirtit nga krijuesi, në formë valësh.

Autorja shpjegon me hollësi nivelet e mundshme të ndërgjegjes në planetin tonë, nivele të cilat sjellin ndryshime të mëdha në jetën njerëzore, pasi këto ndryshime janë në formën e valëve, numrit të kromozomëve dhe në varësi të gjatësisë trupore të njerëzve që kanë jetuar, që jetojnë apo që do të rikthehen sërish në planetin tonë.

Autorja thekson se brenda Piramidës së Madhe, dhomat e saj shërbejnë për kalimin në të ashtuquajturën Vetëdija e Krishtit, e cila është një vetëdije me dy kromozome më tepër nga kromozomet aktuale të cilat zotërohen nga njeriu i sotëm. Autorja thekson faktin se gjithçka është valë dhe vala është energji. Por valët ne nuk mund t'i shohim dot me sy. Ne këtë drejtim, autorja shpjegon edhe ndikimin e supernova-ve.