Kategoritë e librave

Librat sipas botuesit

Autorë të përzgjedhur

PayPal

Njoftime me email

Perralla magjike Shihe të plotë

Perralla magjike

Në këtë vëllim janë përmbledhur përrallat tepër të njohura dhe tërheqëse për fëmijët si: "Bambi", "Hirushja", "Piter Pani", "Maçoku me çizme", "Bukuroshja e fjetur" dhe "Tre derrkucët".

Info shtesë

2652

Disponueshëria: Ne gjendje

$12.68

Me ulje çmimi!

-10%

$14.09

Klientët që blenë këtë libër, blenë edhe...

Titulli: Përralla magjike (kopertinë e trashë)
Origjinali: Përralla magjike
Gjinia: Përralla
Shqipëroi: Taulant Tafa, Eri Tafa
Shtëpia botuese: Vëllezërit Tafa
Viti: 2012
Fq. 140
Pesha: 0.963 kg
ISBN: 978-99956-96-25-2

Mbi librin

Në këtë vëllim janë përmbledhur përrallat tepër të njohura dhe tërheqëse për fëmijët si: "Bambi", "Hirushja", "Piter Pani", "Maçoku me çizme", "Bukuroshja e fjetur" dhe "Tre derrkucët".

Fragmente nga libri

Bambi

Kishte ndodhur diçka e mrekullueshme në thellësi të pyllit. Kishte lindur Bambi, drenushi i vogël i Drerit të Madh, Mbretit të Pyllit.
-Ti je princ, - i pëshpëriti Mama Drenusha, ndërsa e pëkëdhelte në hundë Bambin. Kushdo që vinte e ledhatonte dhe i falte dhurata.

Hirushja

Na ishte njëherë një vajzë jetime. Ajo jetonte me njerkën dhe dy vajzat e saj. Jetimja e vogël bënte të gjitha punët e shtëpisë dhe e mbulonte hiri. Nga hiri që e mbulonte e thërrisnin Hirushe. Edhe pse e mbulonte hiri, ajo ishte shumë e bukur, ndërsa vajzat e njerkës ishin të shëmtuara dhe zemërzeza.

Piter Pani

Nuk mund të gjendej shtëpi më e gëzueshme se ajo e Darlingëve. Aty zhurmonin tre fëmijë çamarrokë: Uendi, Xhoni dhe Majku. Babai i tyre, Zoti Darling ishte një burrë i urtë dhe mamaja e tyre një grua e qeshur. Ata kishin edhe një qen që e quanin Nana. Çdo natë, mamaja u lexonte përralla fëmijëve dhe çdo natë Piter Pani dëgjonte jashtë dritares përrallat e tyre.

Maçoku me çizme

Maçoku ishte tepër i zgjuar. Ai e ndjeu brengën e të zot dhe po mendonte si ta lehtësonte. Kishte vendosur ta bënte të pasur. Maçoku i kërkoi djalit të vogël të mullixhiut t'i blinte një palë çizme dhe një kapelë. Djali i vogël u mendua gjatë, pastaj me ato pak qindarka që i kishin mbetur në xhepa, i bleu maçokut edhe çizmet, edhe kapelën që kërkonte.

Bukuroshja e fjetur

Na ishin njëherë një Mbret i mirë dhe një Mbretëreshë e bukur që nuk kishin fëmijë. Një ditë, një zanë erdhi dhe i tha Mbretëreshës se do të bëhej me një vajzë. Dhe shpejt Mbretëresha solli në jetë një vajzë të bukur. Mbreti dhe Mbretëresha sikur fluturonin nga lumturia e ardhjes së vajzës.

Tre derrkucët

Mama Dosa jetonte në një kasolle me tre derrkucët e saj. Derrkucët u rritën shpejt e nuk vërtiteshin më dot në kasollen e vogël. Atyre u duhej një strehë tjetër. Një ditë, derrkucët u larguan që të ndërtonin kasollet e tyre. Mamaja i porositi të ndërtonin kasolle të forta që t'i mbronte nga ujku i keq. Tre derrkucët e dinin se ujku nuk u ndahej hap pas hapi.