Kategoritë

Botuesit

Autorët

Historia e shtetit shqiptar 1912 - 2005, Kastriot Dervishi Shihe të plotë

Historia e shtetit shqiptar 1912 - 2005, Kastriot Dervishi

Në morinë e botimeve për historinë moderne të Shqipërisë, ky botim synon të japë një model të ri, duke u përpjekur të sjelë në nivele të duhura atë që ka të bëjë me kujtesën kombëtare si dhe me nxjerrjen e së vërtetës, pavarsisht nga rrethanat e zhvillimeve politike dhe nga pesha që ka marrë zhvillimi i ngjarjeve.

Info shtesë

SKU000355

Disponueshëria: Nuk e kemi më këtë libër në depo


Më njoftoni kur ta rimerni

$112.68

Me ulje çmimi!

-20%

$140.85

Klientët që blenë këtë libër, blenë edhe...

  • Mehmet Shehu - Im vella, Duro Shehu

    Mehmet Shehu...


    Me këtë titull, 82-vjeçari Duro Shehu ka hedhur...

  • Histori kurre e shkrueme, At Zef Pllumi

    Histori...


    Të botuara veçmas ose në organe si revista...

  • Shtate endrrat e Shqiperise, Hafiz Ali Korca

    Shtate...


    Midis hoxhallarëve të përndjekur nga...

Titulli: Historia e Shtetit Shqiptar 1912-2005, organizimi shtetëror, jeta politike, ngjarjet kryesore, të gjithë ligjëvënësit, ministrat dhe kryetarët e shtetit shqiptar
Autori: Kastriot Dervishi
Gjinia: Histori
Shtëpia botuese: 55
Viti: 2006
Fq. 955
Pesha: 1.46 kg.

Mbi librin

Një histori konkrete me emra të protagonistëve të saj Në morinë e botimeve për historinë moderne të Shqipërisë, ky botim synon të japë një model të ri, duke u përpjekur të sjelë në nivele të duhura atë që ka të bëjë me kujtesën kombëtare si dhe me nxjerrjen e së vërtetës, pavarsisht nga rrethanat e zhvillimeve politike dhe nga pesha që ka marrë zhvillimi i ngjarjeve.

Duke besuar në tezën se vetëm shqiptarët mund të bëjnë një histori të plotë e të vërtetë të vendit të tyre, botimi synon të plotësojë atë pjesë që është e zbrazët, për shkaqe nga më të ndryshmet.

Si shtysa të çastit apo si modele fillestare, kanë shërbyer deri diku botimi i Teki Selenicës "Shqipria më 1927", apo i Dhimitër Beratit "Shqipënija më 1937..."Gjithësesi, libri ndjek në vetëvete një model të veçantë, të pakrahasueshëm në tërësinë e tij me botime të ngjashme. Për të njohur më qartësisht rrethanat dhe kushtet kur u krijua shteti shqiptar, është parë e nevojshme, të njihen lexuesit me platformat kryesorë të fqinjëve, që në fund të fundit, u bënë frymëzuese për ta, duke çuar në mosformimin në kohën e duhur të një shteti shqiptar në trojet e tij, por vetëm në gjysmën e tyre.

Periudhat në libër janë ndarë sipas zhvillimit të ngjarjeve dhe epokave zhvilluese të tyre kur ka pasur ndryshime që kanë përmbysur epokën paraardhëse. Pikësëpari, është pasur parasysh një trajtim i pavarur për të gjitha figurat politike si dhe për ngjarjet përkatëse që kanë ndodhur, duke vlerësuar peshën e tyre për nga rëndësia dhe për nga niveli i interesimit në botimet e tjera.

Si rrallë herë, të gjithë qëndrojnë pranë njëri-tjetrit, të gjitha hyjnë në libër pa paragjykimin e heroit ose tradhëtarit, për të vënë në raport me atë që ata kanë dhënë në të vërtetë, për të cilat përgjegjësia mbetet gjithsesi e tyre.Deri tani përfshirja e të gjithë aktorëve politikë në një botim të vetëm, ka qenë një gjë e pazakontë madje e pamundur, për shkaqe politike, metodike apo edhe mendësie që vjen nga e kaluara.

Duke iu shmangur tërësisht kërkimit të "heronjve" apo "tradhëtarëve", botimi parapëlqen të vërtetën dhe jo shërbimin ndaj një kohe apo një grupi të caktuar personash.Në vetëvete botimi është një histori e shtetit shqiptar, që nga krijimi i tij më 1912, duke pasur në plan të parë pjesën institucionale, pjesën politike si dhe zhvillimet e tjera të rëndësishme në lidhje me to. Kriteri i përdorur për jetëshkrimet lidhet me pozicionin e figurës politike në nivel kryetari shteti, kryeministri e kryetari të legjislativit.

Të gjithë protagonistët e jetës politike, duke përfshirë anëtarët e trupit legjislativ dhe trupit ekzekutiv, janë të nxjerrë në pah sipas kohës së tyre. Sigurisht kjo përfshirje bëhet për të plotësuar boshllëkun që ndjehet në këtë fushë, duke bashkëngjitur anën statistikore me ngjarjet e zhvilluara.është dhënë një informacion në lidhje me natyrën juridike të shtetit shqiptar, duke përfshirë këtu tiparet e përgjithshme të kushtetutave dhe legjislacionit në të gjitha kohrat.

Po ashtu forcat politike më të rëndësishme të kohëve të ndryshme, përfshihen duke dhënë programin përkatës dhe protagonistët e tyre. Organizimi institucional shtëtëror shqiptar siç edhe kuptohet është pjesë e rëndësishme e librit.

Mbi autorin

U lind në Elbasan më 6 shkurt 1972. Të gjitha nivelet e arsimit i kreu në qytetin e lindjes. Diplomuar për histori në Universitetin "Aleksandër Xhuvani". Që prej vitit 1999 redaktor i faqes historike të gazetës së përditshme "55" në Tiranë. Lëvron gjithashtu kritikën dhe analizën politike. Studiues i historisë moderne të Shqipërisë dhe veçmas i asaj politike.

Është autor zërash në librin "Elbasani - Enciklopedi" (Elbasan, 2003), si dhe i "Fjalorit Enciklopedik Shqiptar" (në proces). Ka në përfundim studimin e nisur në maj 2004 "Shërbimi sekret shqiptar" 1922 - 1944", si dhe botime të tjera në vijimësi. Gjithashtu lexoni intervistën: Historia e shtetit shqiptar. Të fshehtat që nuk dinim prej 1912-ës.