Ne kerkim te arit, Ksenofon Krisafi

Titulli: Në kërkim të arit, historia e arit shqiptar të rrëmbyer gjatë Luftës së Dytë Botërore
Origjinali: Në kërkim të arit, historia e arit shqiptar të rrëmbyer gjatë Luftës së Dytë Botërore
Gjinia: Histori
Autori: Ksenofon Krisafi
Shtëpia botuese: Dita 2000
Viti: 2008
fq. 436
Pesha: 0.54 kg
ISBN: 978-99943-57-58-1

Mbi librin
Më 15 mars 1985, në selinë e ambasadës shqiptare në Paris, nisën bisedimet e para shqiptaro – britanike. Misioni i dy delegacioneve ishte i rëndësishëm, delikat dhe njëkohësisht emocionant. Në Tiranë, në Londër e Uashington, por edhe në Paris, pritej me kureshtje ecuria dhe rezultati i negociatave. Fjala ishte vërtetë për kthimin e një sasie ari në Shqipëri, por të gjithë ishin të ndërgjegjshëm se të dy delegacionet kishin mbi vete një peshë shumë më të madhe se 1574 kg ar. Ata mbanin peshën e restaurimit të marrëdhënieve të Shqipërisë në Europë, në familjen e popujve, të cilës i përkiste që nga lashtësia. Koment nga Shaban Murati Libri "Në kërkim të arit" mund të quhet një manual i vërtetë shqiptar i artit të negociatave diplomatike. Është një përvojë e rrallë për diplomatët, shtetarët dhe zyrtarët, të cilët mund të mësojnë nga përvoja personale e profesionale, nga format, taktikat, strategjitë, etikat dhe gjuha e përdorur nga diplomacia ndërkombëtare gjatë debatit 50 vjeçar për arin shqiptar. Ari ishte shqiptar, kurse beteja për rikthimin e tij ishte ndërkombëtare, gjë që i jep temës dhe trajtimit një hapësirë më të madhe se koha, kur kanë ndodhur ngjarjet.

Mbi autorin
Prof. Dr. Ksenofon Krisafi ka mbaruar Fakultetin e Shkencave Politike dhe Juridike të Universitetit të Tiranës. Është lauruar "Doctor Honoris Causa" nga Universiteti "Sancti Cyrilli" i Valetës, Maltë. Ka punuar në Fakultetin e Shkencave Politike e Juridike në Universitetin e Tiranës në Ministrinë e Jashtme, si drejtor dhe ambasador në zyrën e OKB – së dhe në Organizatën Botërore të Tregtisë në Gjenevë. Për disa vjet ishte Sekretar i Përgjithshëm i Këshillit të Ministrave dhe këshilltar diplomatik i kryeministrit. Aktualisht është anëtar i Këshillit Mbikqyrës të Bankës së Shqipërisë, zv/rektor i Universitetit Europian të Tiranës dhe dekan i Fakultetit Juridik në këtë universitet. Si diplomat ka marrë pjesë në disa dhjetëra konferenca ndërkombëtare dhe takime dy a shumëpalëshe. Prof. Krisafi është lektor i së drejtës ndërkombëtare publike. Frut i veprimtarisë së tij kërkimore e shkencore janë një numër artikujsh, botimesh e tekstesh universitare si dhe referenca e kumtesa të paraqitura në konferenca shkencore kombëtare e ndërkombëtare.