Shteti mesjetar i Skënderbeut, Jahja Drancolli

Titulli: Shteti mesjetar i Skënderbeut
Autori: Jahja Drançolli
Gjinia: Histori
Shtëpia botuese: Dukagjini
Viti: 2001
Fq. 204
Pesha: 0.201 kg.

Mbi librin

Çështja e Shtetit Shqiptar të Mesjetës (VII-XV), sidomos e Shtetit të Arbrit dhe e shtetit të Gjergj Kastriotit- Skënderbeut, nuk kërkon t'i qasemi sipas pozicionit, metodologjisë dhe qëndrimit nga i qasej historiografia e vjetër. Është e qartë që nuk bën t'i qasemi as nga pozicioni as nga qëndrimi ku i qasej dhe i qaset historiografia e vjetër dhe e re e shteteve fqinje sllave e greke, të cilat plotësisht mohojnë ekzistimin e shtetit shqiptar të Mesjetës. K

ëto historiografi, i shohin shqiptarët si një element etnik i përbërë nga barinj shtegtarë, të izoluar e të paorganizuar dhe, si të tillë, të paaftë për të organizuar formacione politike- shtetërore. Çështja e formimit të shteteve te popujt mesjetarë të Ballkanit është aq komplekse për nga rëndësia dhe zhvillimi historik, saqë çdo zbatim i tij në situata joadekuate historike sjell më vete interpretime historike të papranueshme.

Në situata, të tilla për shkaqe të politikës së ditës, kanë rënë edhe studiuesit e nivelit botëror si ta zëmë, ballkanologu K. Jirecek, i cili pasi mohon ekzistimin e formacioneve shtetërore shqiptare gjatë Mesjetës së hershme, duke u nisur nga qëndresa e fuqishme e popullit shqiptar kundër pushtuesit osman, konstatonte se vetëm në shekullin e XV mund të flitej për një aleancë shtetërore shqiptare me ne krye Gjergj Kastriot Skënderbeun.

Një rëndësi e veçantë në studimin tonë i është kushtuar trajtimit të njoftimeve të moçme për jetën e veprën e Gjergj Kastriot Skënderbeut; fillimeve të shtetësisë iliro-shqiptare, përkatësisht, vazhdimësisë së shtetit iliro- shqiptar, si dhe parahistorisë së shtetit të hershëm shqiptar; shtetit mesjetar të Gjergj Kastriot Skënderbeut dhe politikës së brendshme e të jashtme të këtij shteti; dhe, së fundi Gjergj Kastriot Skënderbeut dhe Kosovës.

Ky studim është riprodhim i botimeve të mia në revistat Studime Historike, Gjurmime Albanologjike dhe Zëri. Studimi mbështetet në rezultate të kërkimeve shkencore në arkiva e biblioteka të Italisë, Kroacisë, Malit të Zi, Shqipërisë, Turqisë dhe Kosovës.