Historia e Austrisë, Alois Niederstatter

Titulli: Historia e Austrisë
Origjinali: Geschichte Osterreichs
Gjinia: Histori
Autori: Alois Niederstätter
Shqipëroi: Genc Lafe
Shtëpia botuese: Dituria
Viti: 2015
Fq. 384
Pesha: 0.539 kg.
ISBN: 978-9928-103-98-7

Mbi librin

Kjo histori e Austrisë shtrihet në harkun kohor që zë fill me periudhën romake, vijon me krijimin e vendbanimeve në Mesjetën e hershme, format e reja të organizimit si krahinë kufitare (markë) kundër avarëve e hungarezëve dhe, përmes Dukatës Babenberge dhe “Shtetit të Alpeve” të Habsburgëve, i cili që nga shekulli i 16 u rrit duke u bërë një fuqi europiane, arrin te Perandoria e Austrisë, Monarkia e dyfishtë Austro – Hungareze dhe së fundi te Republika e vogël e shekullit të XX - të.

Kjo histori, vërtet e orientuar në radhë të parë ndaj territorit të sotëm shtetëror, megjithatë nuk e humbet kurrë nga sytë kontekstin europian të historisë austriake. Çështjet qendrore të historisë shoqërore, ekonomike, kulturore dhe intelektuale e zgjerojnë paraqitjen, duke e kthyer në një kuadër gjithëpërfshirës të asaj që përbën konceptin shumështresor “Austri”.

Koment mbi librin

"Tabloja e Niederstätterit sjell një alternativë të këndshme federaliste. Në këtë vepër solide dhe plot njohuri, të gjitha epokat e historisë së Austrisë gjejnë vëmendjen që u takon. Libri, shumë i këshillueshëm për njohjen e historisë së Austrisë, ndjek shndërrimin e saj nga periudha romake deri në ditët e sotme dhe shpërfaq gërshetimet e shumëfishta të historisë austriake me Gjermaninë dhe Europën."

Prof. Thomas Winkelbauer, drejtor i Institutit Austriak për Kërkime Historike

Mbi autorin

Alois Niederstätter ka studiuar histori dhe gjermanistikë në Salzburg. Më 1980 fitoi titullin Doktor në Filozofi. Që nga viti 2001 është drejtor i Arkivit vendor të Vorarlbergut në Bregenz. Alois Niederstätter mban titullin akademik Prof. Dok. dhe ligjëron në Universitetet e Insbrukut dhe Salzburgut për lëndët: Histori e Mesjetës, Histori e trevës së Vorarlbergut, Shkenca ndihmëse historike.

Është anëtar i Institutit Austriak të Kërkimeve Historike dhe autor e bashkautor i shumë botimeve për historinë e trevës alemane si dhe për historinë habsburge të Mesjetës së Vonë.

Është bashkautor në veprën monumentale Österreichische Geschichte (1994 – 2006/2013 në 15 vëllime, përgatitur nga Herwig Wolfram), për të cilën ka hartuar vëllimet: 1278 – 1411: Zotërimi i Austrisë. Princi dhe vendi në Mesjetën e Vonë, Vjenë 2001, dhe 1400 – 1522: Shekulli qendror. Në kapërcyellin ndërmjet Mesjetës dhe Kohës së Re, Vjenë 1996.