Bota pas-amerikane, Fareed Zakaria

Titulli: Bota pas – amerikane
Origjinali: The post – american world
Gjinia: Shkenca politike
Autori: Fareed Zakaria
Shqipëroi: Maklen Misha
Shtëpia botuese: IDK
Viti: 2010
Fq. 248
Pesha: 0.321 kg.
ISBN: 978-9928-4051-1-1

Mbi librin

Fuqia po zhvendoset nga Perëndimi drejt pjesëve të tjera të botës. Zhvillimi i vendeve të tilla si India, Kina, Brazili, Rusia, Afrika e Jugut po krijon një panoramë të re në skenën botërore. Sot ndërtesat më të larta, digat më të mëdha, telefonat celularë më të avancuar s'bëhen më as në Amerikë e as në Europë.

Të gjitha këto vende janë duke fituar një besim politik e një krenari kombëtare që s'e kishin më parë, duke bërë njëkohësisht të lindin mjaft probleme të reja. A përbën kjo një mundësi apo një kërcënim?

Libri i Fareed Zakarias, përpiqet t'i jap përgjigje kësaj pyetjeje me mprehtësinë e tij tashmë të njohur. Me kthjelltësi dhe thellësi, ai tregon sesi Perëndimit i duhet të ndryshojë strategjinë e tij globale, duke u larguar nga pozitat e tij hegjemone për të pranuar e njohur se në botë sot po ndodh një zhvendosje sizmike e fuqisë. E ardhmja me të cilën përballemi është ajo e një bote pas – amerikane.

Komente mbi librin

"Një libër provokues dhe i mprehtë ... që sjell një tablo të qartë të një bote globale që po ndryshon me shpejtësi drite..."

New York Times

"Libri më aktual i vitit."

Financial Times

"Një libër i rëndësishëm, që të bën të mendosh ... lexoni Zakarian që të kuptoni ç'ka ndodhur dhe çfarë do të ndodhë."

Observer

Mbi autorin

Fareed Zakaria (1964) autor dhe gazetar indiano-amerikan, i konsideruar sot si një nga analistët më me ndikim të politikës së jashtme. Pas një karriere të gjatë si drejtor i revistës së njohur "Newsweek", së fundi Zakaria hoqi dorë nga kjo punë, për t'iu kushtuar drejtimit të një emisioni në CNN, duke shkruar njëkohësisht rregullisht dhe për "Time Magazine" dhe "Washington Post".