Rasell, nje hyrje e shkurter, A.C. Grayling

Titulli: Rasëll, një hyrje e shkurtër
Origjinali: Russell, a very short introduction
Gjinia: Filozofi
Autori: A. C. Grayling
Shqipëroi: Julian Qineti
Shtëpia botuese: Ideart
Viti: 2008
Fq. 160
Pesha: 0.204 kg
ISBN: 978-99943-43-82-9

Mbi librin

Bertrand Rasëll ka qenë një nga filozofët më të famshëm dhe më të rëndësishëm të shekullit të XX. Në këtë shtjellim të jetës dhe veprës së tij, A. C. Grayling na paraqet qoftë kontributet që Rasëlli solli në mendimin filozofik dhe në logjikën e shekullit të XX, qoftë pikëpamjet e tij të gjera mbi arsimin, politikën, luftën dhe moralin seksual.

Rasëlli shihet si një nga themeluesit e filozofisë analitike moderne, si dhe një ndër personalitetet që luajti një rol të rëndësishëm në revolucionin e sjelljeve dhe qëndrimeve sociale që u shfaqën në mbarë botën. Ky libër na jep një vështrim të qartë në lidhje me tërë arritjet dhe shtrirjet e mendimit të Rasëllit.

Komente mbi librin

"Një ide e çmuar. Një libër dinamik, i vogël... i përkryer për ta pasur në xhepin tuaj në kohën e lirë."

Lisa Jardine, The Times

"Një ide shumë e mirë, këto Hyrje të shkurtra. Një konceptim i ri nga Botimet e Universitetit të Oksfordit."

Nicholas Lezard, Guardian

Mbi autorin

A.C. Grayling është asistent profesor i filozofisë në Birbeck College të Universitetit tëLondrës dhe Anëtar Mbinumëror i Kolegjit të Sh. Anës në Oksford. Ai është autor i Witgenshtein – it në serinë Një hyrje e shkurtër. Ai është gjithashtu botues i "Filozofia: një guidë përgjatë temës dhe filozofisë" dhe "Filozofia 2: Përtej temës".