Kushti postmodern, Jean-Francois Lyotard

Titulli: Kushti postmodern, raport mbi situatën e dijes
Origjinali: La condition postmoderne
Gjinia: Filozofi
Autori: Jean – François Lyotard
Shqipëroi: Orgest Azizi
Shtëpia botuese: Pika pa sipërfaqe
Viti: 2017
Fq. 184
Pesha: 0.194 kg.
ISBN: 978-9928-185-47-1

Mbi librin

Në këtë ese të famshme dhe me ndikim të thellë, Lyotard vëren fundin e tregimeve të mëdha (metatregimeve), duke sanksionuar kështu kalimin nga epoka moderne në atë postmoderne.

Fragment nga libri

Bota e dijes postmoderne mund të përfytyrohet fare mirë si e drejtuar nga një lojë me informacion të plotë, përderisa të dhënat janë parimisht të hapura për të gjithë ekspertët: nuk ka sekret shkencor.

Për kompetenca të barabarta, mbishtesa e performativitetit, në prodhimin e dijes, dhe jo më në përvetësimin e saj, varet pra së fundi nga "imagjinata", e cila lejon ose kryerjen e një «lëvizjeje» të re, ose ndryshimin e rregullave të lojës.

Nëse arsimi duhet të sigurojë jo vetëm riprodhimin e dijeve, por dhe zhvillimin e tyre, duhet për pasojë që përcjellja e dijeve të mos kufizohet vetëm te dhënia e informacionit, por të përmbajë edhe përvetësimin e të gjitha atyre procedurave që shërbejnë për përmirësimin e aftësisë për të krijuar lidhje mes atyre fushave që organizimi tradicional i dijeve i mbante xhelozisht të veçuara.

Parrulla e ndërdisiplinaritetit, e përhapur sidomos pas krizës së '68-ës, por e formuluar shumë më herët, na duket se shkon në këtë drejtim. Thonë se feudalizmat universitarë iu bënë pengesë. Pengesa ishte në fakt shumë më e thellë.