Historia e atyre që s'janë, Kasëm Trebeshina

Titulli: Historia e atyre që s'janë (komedi tragjike)
Gjinia: Drama
Autori: Kasëm Trebeshina
Shtëpia botuese: Buzuku
Viti: 2007
Fq. 72
Pesha: 0.105 kg.
ISBN: 978-9951-08-219-8

Komente mbi librin

"Homo dramatikusi i Kasëm Trebeshinës përjeton rënie në nivelet më të ulëta të nënshtrimit dhe të prostituimit fizik e shpirtëror, por edhe ngritje në nivelet më sublime të heroit me guxim mbinjerëzor kur e mund frikën nga vdekja, që ishte instrument efikas i terrorit në kohën e diktaturës.

Kur heroi i Trebeshinës arrin të mundë frikën, kur humb motivin e mbijetesës me çdo kusht dhe kur është i gatshëm të vetëshkatërrohet për një pozicion më të lartë moral, përjeton aktin sublim të katarzës, kështu që nga antiheroi minor shndërrohet në hero tragjik...

"Historia e atyre që s'janë" gjithsesi do të shënojë kthesë në historinë e dramës sonë kombëtare dhe do të imponojë kritere të reja vlerësimi."

Fadil Hysaj

"Pritja që i është bërë tragjikomedisë "Historia e atyre që s'janë", që shënon përkthimin e parë në frëngjisht të një vepre dramatike shqiptare, dëshmon vlerësimin kuptimplotë ndaj dramaturgjisë së Kasëm Trebeshinës."

Behar Gjoka

""Historia e atyre që s'janë" u përkthye dhe u interpretua nga një grup entuziastësh francezë, i vënë në një skenë të Parisit nga regjisori i ri Dominique Dolmieux, ndërsa u vu edhe në skenën e Teatrit Shqiptar të Prishtinës nga regjisori gjithashtu i ri Ilir Bokshi.

Asgjë s'na shtyn të mendojmë se ky është teksti më përfaqësues i krijimtarisë dramaturgjike të Kasëm Trebeshinës, pa dyshim njëri nga autorët më interesantë dhe më kontroversë pas heqjes së perdes së çeliktë në Shqipëri, me faktin se është zgjedhur i pari nga ata që do të depërtojnë këndej."

Eqrem Basha

"Inskenimi i dramës "Historia e atyre që s'janë" në skenën e Teatrit Kombëtar të Kosovës ishte një sfidë kulturore për krijuesit e shumtë, por edhe për teatërdashësit, të cilët nuk ishin të paktë që ndoqën premierën e kësaj vepre."

Haqif Mulliqi