Gjinkallat keshilltare, Elian Gjini

Titulli: Gjinkallat këshilltare
Gjinia: Komedi
Autori: Elian Gjini
Shtëpia botuese: FLESH
Viti: 2012
Fq. 122
Pesha: 0.15 kg
ISBN: 978-9928-131-13-3

Koment nga autori
Gjinkallat Këshilltare është një komedi filozofike në të cilën, me anë të zërit të 4 personazheve kryesore, trajtohen tema të rëndësishme të zhvillimit ekonomik dhe të tranzicionit shoqëror shqiptar gjatë këtyre dekadave. Një nga problemet që Shqipëria u ndesh, dhe vazhdon të ndeshet, është problemi i ikjes në masë (gjithashtu i ikjes së trurit), dhe konsekuencat e këtij fenomeni për politikat e zhvillimit ekonomik e shoqëror të Shqipërisë. Cili është qëndrimi i shoqërisë në përgjithësi dhe politikave shtetërore në veçanti ndaj këtyre dhe shumë problemeve të tjera? Ndërsa shumë tema kontroversale diskutohen në këtë libër, një fill mendimi që i lidh bashkë të gjitha idetë është irracionaliteti shoqëror shqiptar. Mungesa e "zërit" të përbashkët vazhdon të jetë e dukshme në Shqipëri dhe shqiptarët përsëri duken të shkëputur nga debatet botërore qofshin këto ekonomike, shkencore apo ideologjiko – politike. Ky trend vazhdon edhe pse një pjesë e madhe e tyre ndodhen jashtë trojeve shqiptare; edhe pse informacioni është më i disponueshëm; edhe pse çfarë ndodh në anën tjetër të globit ka ndikim të drejtpërdrejtë në ekonomi apo financë dhe rrjedhimisht në jetën e tyre të përditshme. Mbi autorin Elian Gjini ka lindur në qytetin e Kuçovës. Ai është diplomuar në degën e Menaxhimit dhe në vitin 2012 u diplomua me një Master në Administrim Biznes në degën e Financës. Përveç interesit në fushën e tij të studimit, ai është i pasionuar pas filozofisë klasike, ekonomisë politike dhe asaj të zhvillimit. Eliani jeton aktualisht në Budapest, Hungari.