Poezi të zgjedhura, Jorge Luis Borges

Titulli: Poezi të zgjedhura
Gjinia: Poezi
Autori: Jorge Luis Borges
Shqipëroi: Azem Qazimi
Shtëpia botuese: Zenit Editions
Viti: 2016
Fq. 96
Pesha: 0.136 kg.
ISBN: 978-9928-113-54-2

Fragmente nga libri

Thjeshtësi (për Haydèe Lange – n)

Hapet dera për në kopsht
Me dëgjesën e një flete
Që përshpirtërinë e ngahershme vë në dyshim
Dhe brenda, vështrimi im
S'ka pse të bjerë më mbi sende
Që tashmë ekzistojnë, sak, në mendje.
I njoh huqet dhe shpirtrat
Edhe atë dialekt aluzionesh
Që çdo turmë paprerë end.
S'kam pse të flas,
As të mëtoj ndonjë privilegj të rremë;
Ata që më qarkojnë më njohin mirë,
I dinë vuajtjet dhe dobësinë time.
Kjo do të thotë të arrish gjënë më të epërme,
Që qielli, me gjasë, do të na truajë:
Jo adhurimin a fitoren,
Por thjeshtë tumirjen
Si pjesë e një Realiteti të pamohueshëm,
Si gurët e pemët.

Ëndrra

Kur orët e mesnatës
Të shkapërderdhin kohën,
Do kuturis më larg se lundërtarët e Uliksit
Në truallin e ëndrrës, përtej
Kujtesës njerëzore.
Prej atij trualli të përmbytur shpëtoj vetëm ca mbetëza
Që nuk i kuptoj:
Barëra të një botanike të thjeshtë,
Kafshë të çdo lloji,
Kuvendime me të vdekur,
Fytyra që në të vërtetë janë maska,
Fjalë gjuhësh fort të lashta
Dhe, herë – herë, një tmerr që s'mund të përqaset
Me asgjë që na truan dita.
Do të jem të gjitha, o asnjë. Do të jem tjetri
Që, pa e ditur, jam, ai që ka parë
Atë ëndrrën tejtër, yejtjen time. E peshon atë,
I përunjur e buzëqeshur.