Nëse do të qëndroj, Gayle Forman

Titulli: Nëse do të qëndroj
Origjinali: If l stay
Gjinia: Roman
Autori: Gayle Forman
Shqipëroi: Agim Doksani
Shtëpia botuese: UEGEN
Viti: 2014
Fq. 276
Pesha: 0.339 kg.
ISBN: 978-9928-03-227-0 

Mbi librin

Ka nga ata që besojnë në jetën pas vdekjes, dikush mund të ndjejë praninë e shpirtrave ose të engjëllit të tij mbrojtës, ka nga ata që besojnë te mrekullitë e përtej jetës... Mia, shtatëmbëdhjetë vjeçe, vazhdon të ndjejë jetën e saj, arrin të shohë dhe të prekë me mendje njerëzit dhe botën reale, e shtrirë në koma brenda shtratit të spitalit.

Megjithëse makina ku po udhëtonte me familjen është shkatërruar nga përplasja e tmerrshme me një kamion, Mia ngrihet lehtë nga vetja e saj, ndodhet më këmbë, në cep të rrugës, arrin të shohë trupat pa jetë të prindërve, vëllain e vogël me sytë e mbyllur dhe veten e saj të katandisur pa shpresë jashtë makinës.

Mia është në koma, por mendja e saj shikon, dëgjon, i ndjen mendimet dhe i prek fjalët si të jenë të gjalla. Pasioni për violonçelin, ëndrra për t'u bërë një muzikante e famshme, dashuria e një djaloshi që luan muzikë të bukur si ajo. Por kujton edhe atë që nuk do ta gjejë në rizgjimin e saj: ëmbëlsinë e ngrohtë të babait, kurajën e nënës, gjallërinë e Tedit të vogël, emocionet e orëve të kaluara me dashuri në familje.

Dhe nuk e kupton ç'po ndodh me të. Në çfarë është shndërruar? Në një shpirt që vërtitet në kërkim të dickaje të papërcaktuar dot? Duhet të largohet, apo të qëndrojë? Për çfarë ia vlen të mbetet mbi tokë, tani që familja e saj e dashur nuk do të ekzistojë më, nëse vendos të zgjohet? Ia vlen të durojë dhimbjen, apo më mirë ta lërë veten të shkojë? Çka mbetur më për Mian, që të qëndrojë edhe nesër?