Një fëmijë që lexon, është një fëmijë i lumtur!
Përshëndetje miq të librit,
Afrimi i 1 Qershorit, Ditës Ndërkombëtare të Fëmijëve, është sigurisht një kohë ku çdo fëmijë ka të drejtë të festojë dhe gëzojë së bashku me familjen dhe të afërmit. Në këtë kohë, mbase edhe ju si prind apo i afërm i një fëmije, jeni duke menduar se çfarë do të bëni me këtë rast. Ndoshta, ju keni menduar për të blerë ndonjë lodër ose po planifikoni ndonjë aktivitet të veçantë së bashku me fëmijën, në mënyrë që ai apo ajo ta festojë sa më bukur. Por, ne këtu te Shtëpia e Librit jemi të bindjes se “një fëmijë që lexon, është një fëmijë i lumtur”!
Ne besojmë se libri nuk është thjesht burim njohurish apo barrë nga mësimet. Ne besojmë që ai mbart në vetvete shumë vlera dhe dimensione të cilat shkojnë përtej kufizimeve kohore apo edhe vetë imagjinatës tonë. Libri është në gjendje ta përcjellë mendjen dhe shpirtin e fëmijës përtej horizonteve fizike dhe mendore në vende me lumturi dhe kënaqësi të pastër.
Prandaj, për t’ju ardhur sado pak në ndihmë, ne menduam t’ja u lehtësonim sado pak mundimin duke bërë një Ulje me 10% për çdo libër brenda seksionit: Letërsia për fëmijë.
Kjo ofertë është e vlefshme për të gjithë librat me puzzle (figurat që formohen me pjesë) të cilët janë veçanërisht të përshtatshëm për fëmijët e moshave 2-6 vjeç si një mënyrë praktike që ndihmon në zhvillimin e aftësive krijuese, organizative dhe koordinuese për fëmijët e kësaj moshe.
Gjithashtu, për më të rriturit ju ftojmë të konsideroni librat e mrekullueshëm të autorëve shqiptarë si Gaqo Bushaka (me Serinë e Cufos), Virgjil Muçi (me përmbledhjen e përrallave shqiptare), etj. Si dhe tituj të mirënjohur nga autorë të huaj si p.sh. librat e autorit Michael Ende (Xhim Kopsa, Historia pa mbarim), Oskar Uajld (Princi i lumtur, Portreti i Dorian Greit), Daniel Defoe (Robinson Kruzo), Seria “Kryezoti i Unazave”, Libri i Xhungles, David Koperfild, Aladini dhe llampa magjike, etj..
Ju kujtojmë se kjo ofertë është e vlefshme deri në datën 10 qershor, prandaj ju ftojmë që deri atëherë të konsideroni mbi 60 tituj të ndryshëm botimesh për fëmijë të të gjitha moshave.
Ju mirëpresim në çdo kohë,
Si të gjesh librin që kërkon ?
Me rritjen e numrit të librave të publikuar (aktualisht mbi 800 tituj), si dhe rritjen e numrit të vizitave në faqen tonë (rreth 150 në ditë), rrjedhimisht rritet edhe nevoja për të gjetur sa më lehtësisht librin apo librat që ju kërkoni. Për këtë arsye ne ju ofrojmë disa mënyra si më poshtë:
Kategoritë dhe nën-kategoritë
Shtëpia e Librit është e organizuar në kategori librash si p.sh.: letërsia shqiptare, letërsia botërore, libra për fëmijë, etj, dhe brenda tyre me nën-kategori si: romane, revista letrare, tregime & novela, biografi & kujtime, etj. Kjo është edhe mënyra bazë se si ju mund të krijoni një ide më të qartë të librave që ne disponojmë si dhe mund të orientoheni më kollaj për të gjetur atë që kërkoni.
Mënyra kryesore të kërkimit
Sistemi ynë ju lejon të bëni dy lloje kryesore kërkimi për librat.
Mënyra bazë është ajo “e thjesht”, e cila ju lejon të kërkoni duke përdorur si fjalë kyçe titullin e librit ose emrin e autorit. Kjo është njëkohësisht edhe mënyra më e shpejtë por jo më e plota.
Mënyra tjetër është “Kërkimi i Avancuar” i cili ju lejon të kërkoni jo vetëm titullin dhe autorin, por edhe përshkrimin e librave që ne kemi publikuar. Ky kërkim është ideal nëse ju dëshironi ta zgjeroni kërkimin tuaj përtej kërkimit të thjeshtë. Nëpërmjet këtij kërkimi ju keni disa mundësi dhe opsione të tjera të cilat ju lejojnë ta bëni hulumtimin tuaj edhe më specifik si p.sh. duke kërkuar brenda një kategorie të caktuar, ose vetëm librat e një botuesi të caktuar, etj.
Kërkimi i shkrimeve
Një seksion me interes te Shtëpia e Librit është edhe ai i Shkrimeve, ku ju do mund të gjeni një përzgjedhje shkrimesh, biografish dhe studimesh për autorë dhe tituj librash të ndryshëm. Çdo shkrim është i lidhur me një ose disa libra të ndryshëm që lidhen direkt ose indirekt me shkrimin. Gjithashtu, ne kemi instaluar motorin e kërkimit edhe për Shkrimet, i cili e lehtëson më tej kërkimin tuaj brenda seksionit të Shkrimeve.
Titujt e postimeve te Blogu
Pamvarsisht se Blogu funksionon i ndarë nga sistemi i Shtëpisë së Librit, ne kemi gjetur një mënyrë për ta integruar atë me faqen e parë të dyqanit. Dhe konkretisht, në krahun e djathtë, poshtë motorrit të kërkimit, ju do keni mundësinë të klikoni mbi titujt e fundit të postimeve që ne vendosim në Blog. Gjithsesi, nëse dëshironi të informoheni rregullisht për të zhvillimet dhe të rejat te Shtëpia e Librit, ne ju sugjerojmë të abonoheni nëpërmjet shërbimit tonë me Email.
Përditësuar më: 2 nëntor 2008
Postimi falas per blerjet mbi 15 dollare
Pershendetje miq te librit!
Kishim ca kohe qe po mendonin se si mund ta benim me terheqese mundesine e blerjes se librave per ju qe jeni me banim ne Shqiperi. Megjithese, kostoja e blerjes dhe postimit te librave ne Shqiperi eshte e ulet, ne vendosem te ofrojme postim falas per cdo porosi me vlere 15 dollare.
Thene ndryshe, nese totali i librave qe ju deshironi te blini eshte 15 dollare ose me shume, atehere postimi i librave qe deshironi te porosisni behet plotesisht falas nga ana jone.
Kjo oferte eshte e vlefshme per te gjitha porosite qe dergohen per ne Shqiperi. Prandaj ajo mund te perfitohet edhe nga ju qe banoni jashte vendit. Ne kete menyre ju mund t’u dhuroni te afermve dhe miqve tuaj librat qe ata deshirojne.
Për klientët e rinj
Ju kujtojme se nese ju regjistroheni dhe krijoni nje llogari personale si klient te ShtepiaeLibrit.com, ju do ta keni me te lehte:
- te blini produktet qe deshironi
- te njoftoheni per statusin e pososise tuaj
- te shikoni porosite qe keni kryer ne te kaluaren
- te njoftoheni per librat e rinj dhe ofertat tona, etj.
Gjithashtu ju njoftojme se jemi duke punuar per ta perkthyer te gjithin ne shqip, prandaj ju kerkojme ndjese per ndonje problem qe mund t’ju krijohet pershkak te gjuhes anglisht. Mirepresim te gjith sugjerimet dhe komentet tuaja.
Elvis & Gjergji
Administratore
ShtepiaeLibrit.com